كشفت النجمة ماغي بو غصن عن تلقيها الكثير من الرسائل بعد مسلسل “بالحرام”، من شبان وشابات يخبرونها فيها عن تعرضهم للتحرش والابتزاز والإستدراج وغيرها من الأمور، ووجهت بو غصن نصيحة لهم.
وفي تفاصيل ما كتبته بو غصن على صفحتها على “اكس”: “عم يوصلني كتير رسائل من صبايا وشبابا عم يخبروني عن تعرضهم للتحرش، للإبتزاز ولمحاولات إستدراج وأكتر… منهم حكيوا وواجهوا وأخدوا حقهم… ومنهم خافوا وسكتوا… ومنهم مش عارفين كيف يتصرفوا… اللي بيقدر منكن يصارح أهله والناس الراشدة اللي حواليه (إذا كانوا مؤهلين يكونوا سند) واذا لأ… تواصلوا مع جمعية حماية بلبنان (ومتلها بالدول العربية) قادرة تساعد وتوجّه عبر اختصاصيين وناس عندها إلمام ووعي وعلم بكيفية التصرف… الله ينجينا… والله يحميكن… إنتوا مش مذنبين… إنتوا ضحايا ناس بلا ضمير… إنتوا أبطال بحكاياتكم… وحقكن تاخدوا حقكن”.
مسلسل “بالحرام” يعرض طيلة شهر رمضان المبارك على MTV عند الساعة الثامنة والنصف مساءً.
ويضم “بالحرام” نخبة من نجوم الدراما اللبنانية، من بينهم ماغي بو غصن، باسم مغنية، تقلا شمعون، عمار شلق، طوني عيسى، رندة كعدي، سينتيا كرم، وطارق تميم، وهو كتابة شادي كيوان وفادي حسين، وإخراج فيليب أسمر، وإنتاج إيغل فيلمز.
